活毛蟹套餐 @ Hokahoka

响香港一般可以食到嘅毛蟹都係急凍，好少機會可以食到新鮮嘅毛蟹。今次 Hokahoka 推出咗北海道活毛蟹鍋，响呢個寒冷嘅冬天，大家就可以食到一個暖笠笠嘅新鮮活毛蟹鍋。 

一如以往嘅套餐，每個套餐都會配一枝清酒，今次嘅套餐就配咗呢枝 720ml 山廃純米酒

這個北海道活毛蟹蟹膏豐富，蟹腳部份只需煮到半熟狀態，蟹肉幼嫩鮮甜

這個套餐除咗主角毛蟹外，還有帆立貝、白身魚、雞肉、舞茸、葛絲、金菇、紹菜、冬菇、豆腐等食料，可以話材料十足

呢個套餐可以話越食越精彩，湯底有毛蟹加上其他配料嘅烹煮，可以話係溶合咗所有精華一齊。用這個湯底加上一個白飯、蛋，變成一鍋軟綿綿甜蜜蜜嘅粥。

高檔越南菜 @ 安南

香港有不少越南餐廳，但大多都係大眾化路線。响銅鑼灣利園就開咗一間走高檔路線嘅越南餐廳，這日就約咗朋友嚟呢樹食生日飯喇！

雙式扎肉粉卷 ~ 粉卷皮做得十分薄，饀料切得非常幼細。入口非常清淡，而粉卷皮亦很滑溜

順化浮萍餅 ~ 第一次食這味越南菜，聽聞係順化嘅街頭小食，如果這個浮萍餅係浮於小碗上的話，感覺就好似係我哋嘅街頭小食砵仔糕一樣。可能我食嘅時候已經放咗好一陣子，所以粉漿變得好縭隻碟，弄起時有少少難看，如果即時食的話應該會好啲。這個浮萍餅最愛的就是粉漿上的脆麵包粒，加上蝦肉、蔥粒，好香口。

安南春卷 ~ 春卷香脆不油膩，不錯

牛腩湯河 ~ 因不太好牛腩，同時佢係蕃茄湯底，所以都無乜點食過。佢嘅蕃茄湯底非常濃郁，喜歡蕃茄湯底嘅朋友，值得一試

安南牛肉湯河粉 ~ 每次去食越南菜，牛肉湯河係我必叫嘅湯粉之一，這裡的湯底濃郁清甜，真的不錯

荷葉飯 ~ 這個荷葉飯比我預期中唔夠乾身，係唔係越南人食嘅飯都係比較濕呢？但我就不太喜愛喇！

算是可以的放題 @ 元祖橫丁

响黃大仙住咗十多年，有美食嘅地方真的不多，最近幾年多咗譽港灣同現崇山後，叫多咗少少較好嘅食店。這間新開嘅日本放題餐廳，很好食還未至於，但因之前屋企人去過一間於深水埗區嘅放題店，這間已算係很好的一間。最起碼佢上食物嘅速度唔算慢，同埋亦無留單嘅情況出現。

這裡較出色會係刺身、海鮮類食物，刺身新鮮，同埋刺身亦有一定厚度

炸物亦都唔錯，唔會太厚嘅炸粉或過油

但佢嘅熱食同串燒就真的一般，熱食有少少不憾入目，而串燒就好似未曾燒過嘅一樣

素菜宴 @ 家全七福

當講起素菜，我第一樣諗到嘅係酸齋，仲有就係由芋頭、麵筋等烹調而成嘅素菜。而大部份素菜館都會將素菜做到唔似素菜，而係似葷嘅菜式。今次家全七福推出嘅素菜宴，我會形容為一個完全素菜宴，絕無以假亂真嘅感覺。

前菜涼伴醋木耳，木耳爽口。木耳以陳醋腌製，開胃之選。

手拍青瓜令青瓜變得更鬆化

椒鹽豆腐粒，香脆內軟

香煎琵琶燕伴菜遠，這個琵琶燕係用蛋白加燕窩，煎成一個燕窩形狀，絕對係手工菜。外表煎得微焦，入口係一陣蛋白嘅香味，就好似食緊一隻荷包蛋一樣。

南瓜蓉官燕羮，香甜嘅南瓜味，再加上豐富嘅燕窩，養顏之選

欖仁大良炒鮮奶，香滑嘅炒鮮奶，但絕不油膩。加上欖仁，食落更有口感

野生珍菌素菜石榴包，個湯入口時有好濃嘅金華火腿嘅味道，但點解素菜會有金華火腿嘅？原來個金華火腿味係用蘿蔔葉、牛肝菌等材料熬出嚟嘅味道，絕無金華火腿成份。而石榴包內有竹笙、冬菇等材料，每款材料都切割得非常幼細。

竹笙釀燕窩卷伴鴿蛋扒蘭度，第一次食鴿蛋，佢嘅蛋白就好啫喱一樣

日本腐件扒鮮冬筍豆苗，一層一層疊成嘅腐件，非常鬆軟而富有豆香嘅味道

生炒素糯米飯，所有配料都係切得非常幼細，而飯亦炒得乾身

椰盅燉官燕 (椰汁 \ 杏汁)，我會較喜歡杏汁嘅味道，所以這個官燕都係加咗杏汁。

懷舊芝麻卷

豆沙蘋葉角，紅豆沙饀嘅糯米糍，想唔食都唔得

合桃馬仔，鬆化香甜

美人美食 @ Stanley Cave

之前見朋友响 Facebook 介紹這間於赤柱嘅麵包蛋糕店，佢不單麵包蛋糕店出店，連店內嘅店員都係俊男雲集。一直好想入去品嚐觀望一番，但赤柱對我嚟講不近也不遠，唔係時時會去嘅地方。

呢日就心血來潮，好想入去赤柱閒逛一番，順道去試下這間嘅麵包蛋糕。入到店內已經係人頭湧湧，店內嘅裝修比人嘅感覺真的有如置身於山洞一樣。店內嘅店內都可以話係俊男美女，而且每一個都面帶笑容，這些已經可以為佢哋美食加分。

這裡除咗麵包蛋糕外，仲有 salad, yogurt, crepes 等等比大家選擇

今次我就只係簡單咁 order 咗一件 mango cake 同一杯 coffee，因為接近聖誕嘅關係，佢哋嘅蛋糕都加咗少少聖誕嘅裝飾。蛋糕鬆軟唔太甜，如果芒果可以濃少少就更好喇！咖啡就真的好一般，沒太大特色，咖啡味亦不夠香濃。以我這些愛好咖啡者嚟講，可以話有少少失望。