2014年4月15日星期二

福建、臺灣美食 @ 八月芳

响香港可以食到福建、臺灣菜嘅地方唔多。最近美心集團就製作咗一系列福建、臺灣兩地嘅美饌給大家品嚐。 當日我就試咗佢幾款嘅小食、主菜加甜品,當中還有其他精緻嘅小菜未能品嚐,一定要找機會再去食。 

先嚟嘅三款小食用來配酒簡直係一流,一口小食、一啖酒,滋味無窮。 

台式鹵鴨脷


白切鵝肉扁


醬肉蒼蠅頭

福建佛跳牆內豐富嘅材料,有鮑魚、乾貝、花膠、海參、白鴿蛋等,用咗多個小時隔水燉煮而成,味道鮮甜、滋補養顏。 





肉質脆嫩鮮甜嘅泉漳炒海蚌


提起福建菜,大家會想到咩呢?福州魚丸,相信大家無食過,都一定聽過。這道汆湯魚丸燕皮扎,燕皮扎以豬肉混薯粉拍打而成,再加上爽口嘅福州魚丸。 


古祖樹子蒸桂魚,味道甘香、微帶酸味,帶出咗嫩滑桂魚嘅鮮味


山地土窯燒雞以鹵水浸泡,再以慢火細烤,
不單皮脆還帶出鹵水嘅香味,而雞肉仍能保持嫩滑 



老兵生煏君子菜,亦即係苦瓜。雖然我唔鍾意食苦瓜,但都試食咗幾片。食後感係白苦瓜比綠苦瓜嘅味道較清,亦無綠苦瓜咁苦,即係大家所講嘅甘味。 


這碗台南擔仔麵,個人認為肉燥味未夠濃味 


元祖胡椒餅 ~~ 可能個人比較食得辣,如果佢嘅胡椒味再重啲,就更好喇! 


最後嘅薏仁芋圓珍珠爽甜品,給一個美滿結束。 


其實除咗以上嘅美食,還有好多款福建、臺灣小菜值得大家去試。最重要嘅係佢價錢一啲都唔貴,絕對可以用物超所值嚟形容。這個福建、臺灣美食會提供至五月底,大家想食就要快去訂位喇!

2014年2月24日星期一

四川菜 @ 雲陽

大家喜歡食辣嘛?回想起,我移居澳洲前,係丁點辣都吃不下。但其實每件事只要多加練習,就能熟能生巧,食辣亦一樣。

我在澳洲居住嘅城市,居住咗好多馬來西亞、泰國、甚至乎斯里蘭卡人,佢哋好多食物都係以辣為主。久居此地,而我嘅家人亦是辣食愛好者,經過長年累月嘅訓練,我嘅嚐辣程度在家裡不是第一,就是第二了,同我哥哥比可以話係不相伯仲。

早排被邀請往時代廣場嘅雲陽新店,品嚐佢哋嘅四川菜,這絕對是我杯茶。因當晚大部份食友都不是太嚐辣,所以辣嘅份量亦減少咗。


好多時一眾朋友一齊去食辣,但大家食辣嘅程度都會有所不同。所以餐廳亦好細心,响每一圍枱都放咗多款嘅辣味調味料,大家可以因應自己嘅嚐辣程度去加辣。當中最辣嘅一款調味料就係最右邊嘅 “Forget Me Not”,真係會令人一試難忘架!但奉勸大家一句,如果唔係食得好辣的話,落少少少少就好喇!它入口時不會感覺它的辣味,但食後,它的辣會不斷在你嘅喉嚨擴張,令你嘅喉嚨有火燒嘅感覺。好刺激呀!


晚餐開始前,叫咗一杯杏仁豆腐奶昔,杏仁味唔會太重,豆腐味道比杏仁味更突出。如果太家怕食物太辣的話,不防要一杯豆腐奶昔飲品,因為豆腐係幫你減弱辣嘅味道。


先來前菜係一系列嘅搖滾之作,分別有麻辣豬面頰、菌油牛舌粒、紅油雞丁、蒜泥白肉涼麵。只係聽個名都已經夠特別,味道亦不遜色。牛舌粒肉質鬆軟,而豬面頰亦絕不鞋口。





燈影牛肉係雲陽嘅招牌菜,將牛肉放在燈光下,就好像透著光一樣。脆脆嘅牛肉片,帶著少少甜又麻辣嘅香味。絕對係值得一試嘅招牌菜。



酸布丁蟹肉羹 ~~ 這個蟹肉羹本身係無酸度的,而你可隨自己喜愛嘅酸度自行調教。你只要於羹內放下那些方形嘅小布丁,就可以隨意來調配酸度。




八味豆腦 ~~ 豆腐又何來八味呢?原來八味就係來自下面嘅多款調味料。因應自己喜愛嘅味道去調配味道,有得食之餘,仲有得玩。得意!得意!




金獎泡椒年糕蟹 ~~ 蟹肉肉質鮮嫩,年糕吸取咗蟹肉及其辣味,有嚼勁之餘,更有味道。


水煮美國特級牛肉眼片 ~~ 我喜愛嘅一定係這味水煮牛肉,肉質嫩滑不會過硬,又辣得夠刺激。


樟茶櫻桃鴨 ~~ 一道不辣之選。有點似片皮鴨嘅食法,想鴨肉夾放麵包中,再放入醬汁,即可。



川味雪糕:天椒酒醉朱古力雪糕、四川花椒雪糕、燈籠椒雪葩 ~~ 誰說川菜不可以有西式甜品,仲要係雪糕甜品。每一款雪糕都以辣為主題,當中朱古力雪糕更加入酒作調配,味道辣而帶清涼感覺,絕對值得一試。





2014年2月6日星期四

情人節套餐 @ Pizzazaza

仲有一個星期左右就係情人節喇!大家安排好當晚同你嘅情人去邊到慶祝未呀?

情人節食晚飯好多時都會俾人一個感覺,貴得嚟唔好食,超貴嘅當然好食,但又唔係個個可以負擔得起。但其實亦有食店提供嘅情人節套餐唔貴得嚟,仲要係好有水準。早陣子,我就去咗 Pizzazaza 品嚐佢哋為情人節預備嘅情人節套餐。$999兩位嘅情人節套餐絕對係物超所值,佢哋不單止對食物嘅美觀有要求外,對食物本身嘅質素都有著相當高嘅要求。

先嚟一個澳洲蟹肉沙律配椰菜花及煙燻魚子醬 ~~ 份量十足嘅蟹肉,而且味道非常鮮甜。加上蟹肉上嘅碎蕃茄,令整個菜式上加上點綴,但又不失其清新感覺


法國珍珠雞清湯配南非慢煮鮑魚 ~~ 雞湯味道非常鮮甜,加上爽口嘅鮑魚,更感受到佢嘅鮮味



自家製蕃茄意粉配櫻花蝦,意大利西蘭花及車厘茄 ~~ 酸酸甜甜嘅蕃茄汁,令人十分開胃。加上炸脆嘅櫻花蝦,簡單得來又好味


這個套餐有兩款主菜可以選擇,分別係 ~~

香煎智利鱸魚柳配羅勒麵包糠及海鮮湯 ~~ 這個鱸魚實在太鮮甜,而且魚味不是太重,對於不好食魚嘅我,都不禁把它叫掉


烤美國牛柳及和牛脷配黑松露菌汁 ~~ 牛柳肉質鬆軟,牛脷夠軟腍,絕對係愛肉者嘅必選


熱情白朱古力慕絲 ~~ 白朱力中和咗熱情果嘅酸度,令味道變得恰道好處


所有惠顧這個情人節套餐嘅情人,都可以獲贈一盒精美嘅 Macaroon box set 架!


2014年1月22日星期三

活毛蟹套餐 @ Hokahoka

响香港一般可以食到嘅毛蟹都係急凍,好少機會可以食到新鮮嘅毛蟹。今次 Hokahoka 推出咗北海道活毛蟹鍋,响呢個寒冷嘅冬天,大家就可以食到一個暖笠笠嘅新鮮活毛蟹鍋。 

一如以往嘅套餐,每個套餐都會配一枝清酒,今次嘅套餐就配咗呢枝 720ml 山廃純米酒


這個北海道活毛蟹蟹膏豐富,蟹腳部份只需煮到半熟狀態,蟹肉幼嫩鮮甜




這個套餐除咗主角毛蟹外,還有帆立貝、白身魚、雞肉、舞茸、葛絲、金菇、紹菜、冬菇、豆腐等食料,可以話材料十足








呢個套餐可以話越食越精彩,湯底有毛蟹加上其他配料嘅烹煮,可以話係溶合咗所有精華一齊。用這個湯底加上一個白飯、蛋,變成一鍋軟綿綿甜蜜蜜嘅粥。